اسعار الاعلانات الممولة على الفيس بوك

اسعار الاعلانات الممولة على الفيس بوك

كتير مننا بقى عارف أهمية التسويق الإلكتروني في الوقت الحالي. لو لسة متعرفش أهميته فإنت محتاج ترجع لمقالاتنا اللي فاتت عشان تعرف أكتر إيه هو التسويق الإلكتروني، أنواعه وأهميته خصوصًا لو بتمتلك شركة، محل، أو أي نوع من أنواع المشروعات. وزي ما ذكرنا قبل كدة إن التسويق الإلكتروني له أنواع عديدة ولكن أشهرها وأهمها هو التسويق على السوشيال ميديا ومن أهمها الفيس بوك. عدد مستخدمين الفيس بوك حاليًا هو تقريبًا 3 مليار شخص. ودة بيخلي أهمية التسويق من خلال الفيس بوك كبيرة جدًا. ودة بيكون عن طريق عمل حملات وإعلانات ممولة واللي هنعرفك على أسعارها وكيفية عملها في المقال واللي هيرد على كتير من أسئلتك وأهمهم "إزاي أزود عدد المتابعين في الفيس بوك".

أهمية عمل إعلان ممول على الفيسبوك:

التسويق من خلال إعلانات الفيسبوك الممولة أصبح جزء مهم جدًا في العملية التسويقية لأي شركة إن لم يكن أهمهم ودة لأنه بيوفرلك حاجات مش هتقدر توفرهالك أنواع تانية من الإعلانات زي إعلانات التليفزيون أو اللافتات في الشارع. ومن أهم الحاجات اللي بيوفرهالك إعلان الفيسبوك:

• إتصال مباشر مع العميل
  

البشر بطبعهم بيحبوا يحسوا بأهميتهم وخاصًة لو كان عميل أو زبون، ودة موجود في إعلانات الفيس بوك الممولة لأنك بتحسس العميل إنك معاه في كل وقت وفي كل مكان وهيقدر يسألك عن أي حاجة وتكون دايمًا معاه وبالتالي بيكتسب ثقة فيك تخليك دايمًا الملجأ الأول له.

• آراء تفصيلية عن الخدمة
  

بسبب إن الفيس بوك منصة للتواصل بيقدر كل واحد يعبر عن نفسه وآرائه فيها، دة بيخلي العميل يوصف تجربته مع الشركات اللي بيتعامل معاها ودة بينتج عنه زيادة ثقة عملاء تانية فيك لما يشوفوا آراء عملاء سابقين بنفسهم.

• الوصول للعملاء الصح
  

بسبب لوغاريتمات الفيس بوك، بتقدر دايمًا تستهدف الفئة اللي محتاجها من الناس عشان يكونوا عملاء ليك ودة بيساعدك توصل لناس فعلًا محتاجة المنتج أو الخدمة اللي بتعلن عنهم.

مميزات عمل إعلان ممول على الفيسبوك:

زي ما ذكرنا إن عدد مستخدمين الفيس بوك في العالم وصل 3 مليار شخص ودة بيخلي التسويق من خلاله مهم جدًا ولكن مش دة هو الميزة الوحيدة لعمل إعلان ممول على الفيس بوك. ولكن من مميزات عمل إعلان ممول على الفيس بوك كتيرة جدًا ومنهم:

• إنك بتقدر تتحكم بنفسك في الفئة المستهدفة أو الناس اللي عايز إعلانك يوصلهم على عكس إعلانات التليفزيون اللي بتوصل لأي حد.
  
• بتقدر تحدد التكلفة المناسبة ليك حسب ميزانيتك
  
• بتقدر تعدل على الإعلان في أي وقت ودة مش متوفر في التسويق العادي زي إعلانات التليفزيون أو اللافاتات في الشارع لأن التغيير وقتها هيكلفك فلوس كتير جدًا.
  
• تقدر تتابع النتائج في أي وقت وتعرف هل هي كويسة ولو فيها مشاكل إيه هي المشاكل عشان تقدر تصلحها وتتفاداها.
  
• بتدر تعمل أكتر من نسخة من الإعلان عشان تعرف إيه هو أحسن تصميم ومحتوى مع مستهدفينك.
  
• بتقدر تعمل حملات إعادة إستهداف أو retargeting للعملاء الحاليين أو السابقين بس.
• بتقدر تحدد الهدف من إعلانك بسهولة

أسعار الإعلانات الممولة على الفيس بوك:

عشان تعرف أسعار الإعلانات الممولة على الفيس بوك محتاج تعرف إزاي الفيس بوك بيحسب التكلفة.
وهنا لازم تعرف إن في نوعين من التكلفة:

• 1- التكلفة الإجمالية للحملة الإعلانية.
  
• 2- التكلفة لكل نتيجة.

التكلفة الإجمالية هي الفلوس اللي هتدفعها في إعلانك من أول ما يبدأ يشتغل لحد ما يقف. أما التكلفة لكل نتيجة هو سعر النتيجة اللي هتحصل عليها. يعني لو إعلانك هدفه رسائل فا هو سعر الرسالة الواحدة بالنسبة للإعلان. وهنا لازم تعرف إيه اللي بيحدد السعر دة وليه ممكن يزيد أو يقل.

• جودة التصميم:
  

لأن الفيسبوك بيهتم بجودة الإعلانات اللي هيوصلها للعميل وبيهتم إن المستخدمين يستمتعوا بوقتهم على الفيس بوك، فا جودة تصميمك وسهولته بتفرق جدًا في تحديد أسعار الإعلانات الممولة على الفيس بوك.

• جودة المحتوى المكتوب:
  

زي ما جودة التصميم مهمة، جودة المحتوى المكتوب كمان مهمة إن لم تكن أهم. وعشان الفيس بوك بيهتم جدًا بجودة الإعلان فا كان من ضمن أحدث تعديلات هو تعديل يخص عدد الحروف المُستخدمة في الإعلان إنه لا يتعدى ال280 حرف. ولكن دة مش معناه إن لو إعلانك أطول هيترفض، ولكن كل ما كان الإعلان أقصر النتائج هتكون أفضل ودة عشان يحافظ على تجربة المستخدم وإنه ميحسش بالملل أو التوهة وهو بيقرأ إعلانك. عشان كدة جودة المحتوى عنصر أساسي ومهم في تحديد أسعار الإعلانات الممولة على الفيس بوك.

• الإستهداف الصحيح:
  

عشان تقدر توصل لأقل أسعار للإعلانات الممولة على الفيس بوك، محتاج تتأكد من إستهدافك وإنك مختار الفئة اللي عايزها فعلًا تشوف إعلانك. وعشان تفهم دة أكتر خلينا نتخيل لو إنت بتعلن عن منتجات للعناية بالبشرة للسيدات وإستهدافك كان للرجال! أكيد محدش فيهم هيشتري أو يتفاعل مع إعلانك إلا قلة قليلة منهم ودة هيعلي التكلفة جدًا. عشان كدة الإستهداف كل ما كان صح ومحدد كل ما كان له نتائج أحسن وتكلفة أقل.

طريقة حساب أسعار الإعلانات الممولة على الفيس بوك:

عشان تعرف إزاي الفيس بوك بيحسب تكلفة الإعلانات الممولة لازم تفهم الطريقة اللي بيمشي بيها الإعلان. عمل إعلان ممول على الفيس بوك هو ببساطة كأنك بتأجر مكان على الصفحة الرئيسية للبوست أو الإعلان بتاعك عشان كل الناس تشوفه. وهنا بيبدأ الفيس بوك يظهر إعلانك لأكتر عدد من الناس اللي متطابقة مع إستهدافك، ودة طبعًا بيكون مقابل فلوس بيسحبها منك حسب التكلفة اللي إنت محددها، بعدها بيبدأ الفيس بوك يشوف عدد النتائج ويقسم إجمالي التكلفة عليهم عشان يعرفك النتيحة الواحدة بتكلفك قد إيه.

وفي تحديد التكلفة تقدر تحدد هل عايز تحدد ميزانية يومية ولا ميزانية للأيام كلها وتسيب الفيس بوك يوزعها بالطريقة المناسبة على حسب الأيام والأوقات اللي بيكون فيها تفاعل أعلى.

تحديد أسعار الإعلانات الممولة على الفيس بوك:

أثناء عمل إعلان ممول على الفيس بوك بتختار الميزانية وهنا بيكون عندك إختيارين، الأول هو إنك تحدد ميزانية إجمالية للحملة الإعلانية بكل الإعلانات اللي فيها وهنا بيبدأ الفيس بوك يوزع الميزانية دي على الإعلانات بنفسه. أو الإختيار التاني وهو إنك تحدد ميزانية معينة لكل إعلان فيهم ودة بيكون أنسب لو المستهدفين لكل إعلان مختلفين.

أقل أسعار الإعلانات الممولة على الفيس بوك:

زي ما قولنا إنك تقدر تحدد بنفسك الميزانية الإعلانية بناءًا على ميزانيتك، الفيس بوك بيتيح لك تحديد الميزانية براحتك بشرط تكون على الأقل 1 دولار أو ما يعادل 20 جنيه في اليوم الواحد. ولكن لو إخترت تحديد التكلفة لكل نتيجة وقتها بيكون أقل تكلفة ممكنة هو 5 أضعاف تكلفة النتيجة. على سبيل المثال لو إخترت إن تكلفة النتيجة لا تتعدى الـ25 جنيه وقتها هيكون أقل ميزانية 125 جنيه في اليوم.

أعلى أسعار الإعلانات الممولة على الفيسبوك:

زي ما في حد أدنى لأسعار الإعلانات الممولة على الفيسبوك، في حد اقصى للميزانية للحسابات الجديدة وهو ما يعادل 50 دولار يوميًا ودة يعتبر نوع من أنواع الحماية للحسابات دي من إنها تصرف فلوس كتير بسبب غلطة أو إنها تتعثر في الدفع. وفي الحالة دي كل الإعلانات بتقف بشكل تلقائي أول ما بتوصل للـ 50 دولار أو الحد الأعلى وهو ما يعادل 950 جنيه مصري تقريبًا ولكن زي ما قولنا دة بيكون للحسابات الجديدة فقط وكمان تقدر تغير الحد الأعلى لإعلاناتك من خلال الفيس بوك.

بعد ما عرفت طريقة عمل إعلان ممول على الفيس بوك وأسعار الإعلانات الممولة على الفيسبوك، تقدر تجرب أكتر من إعلان بأكتر من تصميم ومحتوى وإستهداف عشان تعرف إيه اللي بيديلك أحسن نتائج وإيه المشاكل في الإعلانات الأقل كفاءة عشان تقدر تتجنبها بعد كدة.

ولكن لو عايز تريح نفسك من كل تقدر تكلم شركة مُتخصصة في التسويق الإلكتروني وفي عمل حملات إعلانية على الفيسبوك وعشان كدة بنقترح عليك شركة ماركتينج بالعربي بسبب خبرتهم في مجال التسويق الإلكتروني وبسبب تحديدهم الممتاز لأسعار الإعلانات الممولة على الفيس بوك.